Беларуска разбілася падчас няўдалага палёту на параплане ў раёне турэцкага горада Аланья. Пра інцыдэнт 25 верасня паведаміла мясцовае выданне Cumhuriyet.
Паведамляецца, што беларуска з ініцыяламі Д. С. (поўнае імя ў публікацыі не паведамляецца) выконвала сумесны скачок з інструктарам на ўзгорку Ясы-Тэпе. Падчас палёту параплан пэўны час лунаў у паветры, а потым страціў кіраванне і ўпаў у лесе.
На месца прыбылі ратавальнікі і медыкі. Дактары канстатавалі смерць беларускі. Пацярпелага інструктара адвезлі ў бальніцу.
Паліцыя пачала расследаванне інцыдэнту.
Амбасада Беларусі ў Турцыі знаходзіцца ў кантакце з турэцкімі кампетэнтнымі органамі, сям’ёй загінулай. Аказваецца ўсё неабходнае консульска-прававое садзейнічанне, піша БЕЛТА.
Раней мы паведамлялі пра яшчэ адну трагедыю ў Турцыі з удзелам беларусаў. Легкавы аўтамабіль збіў двух нашых суайчыннікаў, што ехалі на ровары з боку горада Каша, правінцыі Анталья. Пацярпелых даставілі ў бальніцу, дзе беларуска Вікторыя Калавусава памерла.